Biografia d'um crioulo

nes mundo um nascê
tud nú peladim
um bem ta spende d'tchom
um prende sentá
prende rastá
is inchnam anda na tchôm

num ambiente modést
upobre e feliz
ta bai de môn em môn um cria
bençuadou pa nhoredeus
um prende sorri
um prendê tchma mai ma pai
um prendê conchê gênt
grita brinca e canta

depois de já grandin
sabidu falá
pa scola ês mandan bai
ba prendê alê
prendê conta
prendê sina nha nôm

na nha juventudi
tud era banal
na mei di bondade e amor
mund era ôt côza
um gent diferent
tinha menos maldade ma hôm
ône ba ta corrê
nha mund ba ta mudá

um sei pa stranjêr
rodiód farizeus
na mei di fel má sanguê
tive sab e margoçe
sete mar um corrê
tud sempre ta venturá

na evolução di vida
ma pretu ma branco
um conchê mundo intêr ma doce
ta busca prugreçu
ta cumpri um distin
nês mundo cigóne que Deus dónê
Ma um ta xinti feliz
di ter nascid caboverdiano.